Occupied Balochistan News

دل گشیت ھچ مہ لکھ... بلے برے برے جزبات سررچ انت.. دل 

گشیت چزی بگش... اے مرد ءُ ہرکس زانت

ہرکس سرپد انت... بلے سد ہزار افسوز کہ انگت لہتیں مردم است 

گشنت اے مرد ہراب انت..

ھو راست گشنت اے مرد ھراب انت.. سک ھراب انت... پرچا کہ 

اے مرد لندن ءَ نہ نشتگ..

اے مرد ءَ ماتیں گلزمین کوہ ءُ دمگ وتی ھنکین کتگ انت..

اے مرد ھراب انت کہ اے مرسیڈیز بنز.. رولز رائز.. فراری.. ءَ سوار 

نہ 

انت..

اے بلوچ ءِ اولاک اشتر ءَ سوار انت یا پیدل انت..

اے مرد ھراب انت.. کہ ایشی تری پیس سوٹ گوْرا نہ انت..

ایشی ءَ وتی بلوچی پوشاک گوْرا انت..

اے ھراب انت کہ اے نرمیں گندل ءُ پلنگانی سرا نہ وپتگ..

اے یک کمبلے ءَ ڈوک ڈلانی تھا وپتگ...

اے ھراب کہ فاسٹ فوڈ.. بار بی کیو.. میکڈونلڈ.. کنتاکی نہ وارت..

اے ناشتہ ءَ سِرتگیں نان ءُ چاہ وارت..

اے ھراب انت سک ھراب انت.. سک ھراب انت..