The young dynamic visionary Baloch leader

Nawab Yousif Ali Khan Aziz Magsi

Nawab Yousif Ali Khan Aziz Magsi was born in 1901 in Jal Magsi, Balochistan. His father Nawab Qassir Khan Magsi was the chief of Magsi tribe. He learned his Basic and religious education from Qasi Rasool Buskh. Mulana Gulam Qader of Baulpur taught him Urdu, Persian and Arabic. He became a pupil of Kaniah Lal of Lahore to learn English. Under the guidance of such great teacher of there time Yousif Magsi personality was build, which made him the visionary, revolutionary, freedom loving leader of the Baloch nation.

In early 1920’s with help of his friends like Mir Abdul Aziz Kurd, Yousif Magsi organized “Anjuman-e-Ittehad-e-Balochan” the first political organization of Baloch nation. Anjuman’s aim was to achieve unity among Baloch people and to drive a movement to create an independent Balochistan. In 1929 the famous article of Yousif Magsi, Faryad-e-Balochistan “Wail from Balochistan” was published in a newspaper circulated from Lahore. Because of this article he was arrested and he spend one-year imprisonment in Mastong jail.

Through the effort of the Anjuman Yousif Magsi and his friends convened two All India Baloch conferences. The first was held at Jacobabad on 27th December 1932 and the second one at Hyderabad on November 1933. Delegates from all over Balochistan and India attended these conferences. The aim of the conference was to achieve greater unity among the Baloch people and develop means of protecting their national rights. It adopted several resolutions calling upon the people to be united and work for the unification of the various Baloch regions.

Yousif Magsi and his colleagues in the Anjuman knew the importance of the media’s propaganda in achieving political goals.  For this purpose in 1927 they started a newspaper “Akbar-e-Balochistan”  from Delhi, Nassem Talwi became its editor, when its publication could not continue, they started publishing “Asad” from Lahore.     Anjuman also stated a weekly, Al-Baloch from Karachi under the guidance of Mir Mohammed Hussain Anka. Al-Baloch published an article “An unfulfilled dream” written by Ghulam Mohammed Baloch in its 25th December 1932 issues, in which the author gave a map of Greater Balochistan showing Western Balochistan, Kalat confederacy, leased area under British control and Baloch land in Panjab and Sindh united.

During the campaign to remove the prime Minster of Kalat in 1933 Yousif Magsi wrote a pamphlet “Shamsgradi”  “Tyranny of Shams” in which he criticized the policies of Shams government and demanded constitutional rule and elected representatives in Balochistan. In 1933 he also wrote another pamphlet “Balochistan Ki Awaz” “The voice of Balochistan” which was aimed at apprising the British Parliament of the socio-political condition in Balochistan.

When he became the chief of Magsi tribe he practically implemented his progressive policies in Jal Magsi. He opened an educational institution “Jamiya Yousifa” in Jal. He also build the Karthar canal to improve the irrigation system in his area. To provide health care to his people he build a hospital.

In February 1934 he travelled to England were he tried to mobilise public opinion in support of Balochistan’s independent. During his stay in England he met lawyers and parliamentarian and discussed with them the treaties. He wanted to bring the leased land back into Balochistan fold. On 31st January 1935 he arrived back to Balochistan were he met Khan of Kalat and his other comrades he briefed them about his trip to England and discussed the future course of action. Live did not allowed him to fulfil his unfinished desire of an independent and united Balochistan on 31st May 1935 the earthquake in Quetta not only destroyed the city but also scattered the plans and vision of this dynamic young leader of Baloch nation.

’تنازعے کے منبعے‘ سے چھٹکارا باعثِ تنازعہ

تحریر: ساجد حسین

ترجمہ: لطیف بلیدی

مورخہ 26 اگست 2006ء کو پاکستان کی فوج نے ایک ضعیف العمر بلوچ قوم پرست رہنماء اکبر بگٹی کو ہلاک کیا۔ پرویز مشرف کی حکومت نے اسلام آباد اور بلوچستان کے درمیان ”تنازعے کے منبع“ سے چھٹکارا حاصل کرنے پر جشن منایا۔ بلوچوں نے اس عالی مقام بوڑھے شخص کی تمثیلی تصویر کے پوسٹر، جس میں وہ ایک اونٹ پر سوار بلوچستان کے پہاڑوں میں بلوچ گوریلوں کی قیادت کر رہے ہیں، کیساتھ ایک ”ہیرو“ کی موت پر سوگ منایا جو ایک ایسی عمر میں ان کے حقوق کیلئے لڑے جب انہیں ایک پرسکون موت کا انتظار کرنا چاہئے تھا۔

اگرچہ یہ کوئی پرسکون سوگ نہ تھا۔ مظاہرین نے وہ سب کچھ جلا دیا جو ان کے خیال میں انہیں پاکستان کی یاد دلا سکے۔ بینک۔ اے ٹی ایم مشینیں۔ گورنمنٹ دفاتر۔ اور گاڑیاں۔ ملک کے جھنڈے۔

A conflict fueled by getting rid of ‘source of conflict’

اگرچہ تقریباً ہر بلوچ نے اس قتل پر کم از کم آنسو کا ایک قطرہ ضرور بہایا، پرتشدد سوگوار زیادہ تر 70 کی دہائی کے بعد پیدا ہونے والے نوجوان تھے، یہ وہ دہائی تھی جب بگٹی نے ایک بلوچ قومپرست بغاوت کو کچلنے میں اسلام آباد کی مدد کی تھی۔

تمام پرتشدد سوگواران، زیادہ تر طلبا، اور وہ کہ جنہیں پرتشدد طور پر سوگ منانا چاہیے تھا، کیخلاف پولیس نے مقدمات دائر کیے۔ ان میں سے ہزاروں کیخلاف۔ دہشتگردی اور غداری کے مقدمات۔

تین سال بعد، 2009ء میں، جب فوج نے شورش کو کچلنے کیلئے بدنام زمانہ ’مار و اور پھینکو‘ آپریشن کا آغاز کیا تو جن لوگوں نے بگٹی کے قتل کے بعد پرتشدد مظاہرے کیے تھے، پولیس کے ریکارڈ میں موجود ان پرتشدد سوگواران کے ناموں نے اہداف کیلئے ایک فہرست تیار کرنے میں مدد فراہم کی۔

سرکاری افسران ہر تھوڑے عرصے بعد ٹرانسفر ہوتے رہتے ہیں۔ ہو سکتا ہے کہ وہ افسران، جنہوں نے ان نوجوان سوگواران کیخلاف مقدمات درج کیے تھے، جانتے تھے کہ ان کا تشدد ایک آدمی، جنہیں وہ اپنا ہیرو سمجھتے تھے، کے قتل کیخلاف اچانک ردعمل کا نتیجہ تھا، اور دہشتگردی کے الزامات کا مقصد محض انہیں مزید کوئی سوگ منانے سے باز رکھنے کیلئے تھے۔

تاہم، ہو سکتا ہے کہ ان خفیہ ایجنسیوں کے لوگوں کو، جنہیں مارو اور پھینکو آپریشن کیلئے اہداف کی فہرست تیار کرنے کا کام سونپا گیا تھا، ان حقائق سے واقف نہ تھے۔ انہوں نے اس کارروائی کے بارے میں کسی کو کچھ نہیں بتایا، حتیٰ کہ پولیس کو بھی نہیں، کہ وہ پاکستان کے دشمنوں کو اٹھا کر لیجانا شروع کریں گے، عقوبت خانوں میں انہیں سزائیں دیں گے، ان کو قتل کریں گے اور ان کی لاشیں پھینکیں گے تاکہ انکے پیاروں کو انکی لاشیں کسی شکاری جانور کے کھائے جانے بعد ملیں۔ انہوں نے پولیس کے ریکارڈ کنگھالے اور وہاں سے انہیں ہزاروں نام ملے جنہوں نے ان کے محبوب ریاست پاکستان کیخلاف ”دہشتگردی“ اور ”غداری“ کی کارروائیوں کا ارتکاب کیا تھا۔ اس سے وہ فہرست بنانا آسان ہوا۔

سن 2009ء سے اور خاص کر 2010ء کے بعد سے، ان ناموں میں سے سینکڑوں کو اس فہرست سے خارج کردیا گیا۔ کوئٹہ کا سفر کرنے والا ایک سیدھا سادہ نوجوان جو تعطیلات کے بعد بولان میڈیکل کالج میں اپنی تعلیم دوبارہ شروع کرنے جارہا تھا۔ اٹھایا گیا۔ تشدد کا نشانہ بنایا گیا۔ قتل کیا گیا۔ پھینک دیا گیا۔ ایک شاعر جو جدید یورپی شاعری پر چھوٹے شاعروں کو تربت میں ایک چائے کے اسٹال میں لیکچر دے رہا تھا۔ اٹھایا گیا۔ تشدد کا نشانہ بنایا گیا۔ قتل کیا گیا۔ پھینک دیا گیا۔ اور یہ سلسلہ کئی ماہ اور سال تک جاری رہا۔

اس آپریشن نے سینکڑوں کو ملک سے فرار ہونے اور قریب میں واقع مشرق وسطیٰ میں پناہ لینے پر مجبور کر دیا۔ لیکن ان میں سے اکثر اس کا متحمل نہیں ہو سکتے تھے۔ وہ بلوچ گوریلوں (جو اتنے بھولے نہ تھے کہ شہر کے وسط میں ٹی وی عملے کے سامنے میں پاکستانی پرچم جلاتے) کے محفوظ ٹھکانوں میں پناہ لینے کیلئے پہاڑوں کی طرف بھاگے۔ ایک وقت ایسا آیا کہ جب مسلح گروہوں نے مفرور افراد کی بھرتی بند کر دی چونکہ ان کے پاس اتنا کھانا نہیں تھا کہ وہ اتنے لوگوں کو کھلا سکیں۔

میں 2013ء میں پہلی مرتبہ متحدہ عرب امارات گیا۔ میں ان سینکڑوں میں سے ایک تھا جو پہلے سے ہی وہاں فرار ہو چکے تھے، ان میں سے چند میرے دوست تھے۔ میں ان سے ملنا چاہتا تھا۔

وہاں تین بائی تین میٹر کے ایک چھوٹے سے کمرے، جس میں ایک چھوٹا سے باورچی خانہ اور ایک چھوٹا سا منسلک غسلخانہ تھا، میں 9 آدمی رہتے تھے۔ پانی اور چائے کیساتھ میری تواضع کے بعد، انہوں نے بلوچستان کے بارے میں سوالات کی بوچھاڑ کردی چونکہ میں ان میں سے کسی کے مقابلے میں حال ہی میں وہاں گیا تھا۔ چند لوگ موسم کے بارے میں جاننا چاہتے تھے۔ چند کسی مارے گئے دوست کے بارے میں۔ چند کسی شادی کے بارے میں۔ رستی ہوئی پرانی یادوں کیساتھ سوالات۔

اچانک ان میں سے ایک نے اپنے بائیں بازو میں مسلسل درد کی شکایت کی۔ میرے ایک دوست نے کسی پیشہ ور ڈاکٹر کی طرح درد کے بارے میں اس سے پوچھ گچھ کی۔ وہ بیماری کی بابت اپنی رائے دینے ہی والا تھا کہ ایک اور دوست نے اچانک مداخلت کی۔ اسکے پاس بیماری کے بارے میں ایک اور پیشہ ورانہ رائے تھی۔ وہ کچھ تکنیکی طبی اصطلاحات میں بحث کر رہے تھے کہ کمرے کا ایک اور مستقل رہائشی بحث میں کود پڑا۔

مجھے احساس ہوا کہ اس کمرے میں تین سند یافتہ ڈاکٹر تھے۔ 2006ء میں وہ بولان میڈیکل کالج کے سینئر طالبعلم تھے اور انہوں نے ضرور کچھ چیزیں جلائی ہونگی جب وہ سوگ منا رہے تھے۔ مارو اور پھینکو آپریشن شروع ہونے سے قبل انہیں پہلے ہی سے ان کے ڈاکٹری کی پریکٹس کرنے کے سرٹیفیکیٹ مل چکے تھے۔

وہ اب بیروزگار تھے، وہ ایک امتحان کیلئے تیاری کی کوشش کررہے تھے جس سے انہیں متحدہ عرب امارات میں دواوں کی پریکٹس کرنے کی اجازت مل جاتی۔ میں جانتا تھا کہ اگر وہ اس کی تیاری اس 9 آدمیوں سے آباد کمرے میں کریں گے تو اس امتحان میں کامیابی کا کوئی امکان نہیں۔

اس شخص کی بیماری کے علاج کیلئے تینوں ڈاکٹروں کے کسی نتیجے پر پہنچنے میں ناکامی کے بعد، ان میں سے ایک نے کمرے کے ایک رہائشی سے ادھار لیے لیپ ٹاپ کے کیبورڈ پر اپنی ماہرانہ انگلیاں چلائیں اور اپنی متجسس آنکھیں اسکرین پر گاڑ دیں۔ تقریباً 10 منٹ بعد، اس نے مجھے کچھ دکھانے کیلئے اپنے پٹھوں کی طاقت سے میرے باجو میں تھوڑی سی جگہ بنائی۔

وہ سچ مچ ہر اس غیر قانونی راستے کو جانتا تھا جو اسے یورپ لے جا سکتے جہاں وہ سیاسی پناہ حاصل کرنے کی کوشش کرنا چاہتا تھا۔ اس نے مجھے تمام ممکنہ راستوں کے بارے میں ایک پریزنٹیشن دی، اور اس کے بعد میری رائے پوچھی کہ ان میں سب سے محفوظ ترین راستہ کونسا ہے۔ میں سٹپٹایا ہوا تھا چونکہ میں جغرافیہ کے بارے میں کچھ نہیں جانتا تھا۔ آج، اس کمرے کے تمام کرایہ دار یورپ میں ہیں۔ ماسوائے اس کے۔

اس سال 30 جنوری کو جب فوج نے ایک اور بلوچ قوم پرست رہنماء ڈاکٹر منان بلوچ کو قتل کیا تو بلوچستان کے اندر کوئی احتجاج نہیں ہوا۔ لیکن یورپ کے تقریباً ہر بڑے ملک اور شمالی امریکہ میں احتجاجی مظاہرے ہوئے۔ برطانیہ۔ کینیڈا۔ ریاست ہائے متحدہ امریکہ۔ جرمنی۔ سویڈن۔ فرانس۔ اور آسٹریلیا۔

اپریل میں، یورپی پارلیمنٹ کے درجنوں ارکان نے بلوچ نیشنل موومنٹ کے رہنماء ہمّل حیدر بلوچ سے ملاقات کی جنہوں نے بلوچستان کی صورتحال کے بارے میں انہیں بریفنگ دی۔ اس ماہ، انریپریزینٹد نیشنز اینڈ پیپلز آرگنائزیشن (یو این پی او) نے واشنگٹن ڈی سی میں بلوچستان پر دو تقریبات منعقد کیں جہاں امریکی کانگریس ارکان، ارکان سینیٹ، ایمنسٹی انٹرنیشنل کے ایک سینئر عہدیدار اور صحافیوں نے شرکت کی۔

یو این پی او کے صدر ناصر بلیدی نے مجھے بتایا کہ، ”گزشتہ چند سالوں میں بہت سے بلوچ نوجوان یورپ اور امریکہ آئے ہیں۔ اور وہ اپنے کاز کیلئے لابیئنگ کر رہے ہیں۔ یہ تقریبات انہی کی لابیئنگ کا نتیجہ ہیں۔“

وہ فہرست جو مارو اور پھینکو آپریشن کیلئے خفیہ ایجنسیوں کے لوگوں نے بنائی تھی، اس سے دو مقاصد حاصل ہوئے۔ اول، مسلح گروہوں کیلئے نوجوانوں کی بھرتی آسان ہوگئی۔ دوئم، علیحدگی پسند سیاسی گروہوں کو بین الاقوامی سطح پر اپنے کاز کیلئے لابیئنگ کرنے مدد ملی۔

اِک لاش کا ارتقا

بیس سال کی عمر تھی اور لکھاری بننے کے جذبے سے سرشار میں ہر اس شخص سے ملنے کا شوقین تھا جسکا ادب سے کچھ لینا دینا ہو۔ تو میں ایک آدمی سے ملا۔ 2002ء میں۔

میرا ایک ادبی دوست مجھے لیاری میں اس آدمی کے چھوٹے سے اپارٹمنٹ میں لے گیا جہاں وہ ایک بڑے خاندان کیساتھ رہتا تھا۔ اس نے اردو کی ایک کتاب ’انسان بڑا کیسے بنا‘، بنی نوع انسان کا ارتقا، کا بلوچی زبان میں ترجمہ کیا تھا۔

The evolution of a dead body

لیکن ہماری ادبی بحث شروع ہونے سے قبل میرے دوست اور اس آدمی نے پنکھا بند کردیا اور چرس کا ایک سگریٹ بنانا شروع کیا۔ سگریٹ سلگانے سے قبل انہوں نے چھوٹے سے کمرے کی واحد کھڑکی بند کر دی تاکہ اسکی بو خاندان کے باقی لوگوں کی ناک تک کا سفر نہ کرسکے۔

دو سگریٹ پینے کے بعد، اس آدمی نے اپنے ترجمے کا ایک بہت بڑا مسودہ نکالا اور اس سے پڑھنا شروع کیا۔ انہوں نے ابھی تک پہلا پیرا ہی ختم نہیں کیا تھا کہ میں نے پاگلوں کی طرح ہنسنا شروع کردیا۔ مسئلہ یہ تھا کہ میں اپنے آپ کو روک نہ سکا اور میری آنتیں میرے منہ سے باہر آنے کو تھیں۔ مجھے کیا ہوگیا تھا؟ میں نے سوچا۔

بلوچی، تحریری شکل میں، نسبتاً ایک نئی زبان ہے۔ اس کتاب کا جو ترجمہ اس شخص نے کیا تھا، وہ علم بشریات کی اصطلاحات سے ہم آہنگ نہیں تھی۔ تو لہٰذا اس نے اپنے بلوچی الفاظ ایجاد کیے تھے۔ عجیب الفاظ۔ لیکن مجھے اس کے سامنے نہیں ہنسنا چاہئے تھا۔ آخر کار میں خود کو ایک مہذب نوجوان سمجھنا پسند کرتا تھا۔

مجھے جلد ہی احساس ہوا کہ میں کمرے میں چاروں طرف پھیلا چرس کا دھواں اپنے پھیپھڑوں میں لے جارہا تھا اور یہی مجھے احمقانہ طور پر ہنسا اور قہقہے لگوا رہا تھا تاہم میں نے کوشش کی کہ نہ ہنسوں۔

اس شخص نے اس واقعے کے بعد اپنا مسودہ کبھی شائع نہیں کیا۔ لیکن ہم ایک طرح سے دوست بن گئے۔

بارہ سال بعد، 2014ء میں، میں ایک برطانوی صحافی کیساتھ رائٹرز کیلئے بلوچ لاپتہ افراد کے بارے میں ایک خصوصی رپورٹ پر کام کر رہا تھا۔ رپورٹ میں تین لاپتہ افراد کی پروفائلز تھیں۔ ان میں سے ایک یہی شخص تھا، حاجی عبد الرزاق سربازی۔

اس وقت وہ ایک مقامی اردو روزنامے کیساتھ ایک پروفریڈر کے طور پر کام کر رہا تھا۔ ایک رات وہ کام پر گیا اور گھر واپس نہیں لوٹا۔ انہیں سیکورٹی ایجنسیوں نے اٹھا لیا تھا۔ ایک پروفریڈر ہونے کے علاوہ، وہ بلوچ نیشنل موومنٹ کے ایک رکن تھے جس کے کارکنوں کا اب بھی فوج پیچھا کر رہی ہے۔

مورخہ 21 اگست کو، جب ہم نے پہلے ہی سے اپنی خصوصی رپورٹ اپنے ایڈیٹرز کو بھیج دی تھی، ہم نے سنا کہ رزاق کی لاش کراچی کے سرجانی ٹاون میں سیوریج کے فضلے میں پائی گئی ہے۔

میرے برطانوی ساتھی نے اس افواہ کی تصدیق کیلئے مجھے فون کیا کہ آیا اگر یہ خبر سچی ہے تو شائع ہونے سے قبل ہمیں اپنی رپورٹ پر نظر ثانی کرنا ہوگی۔ میں نے رزاق کی بہن کو فون کیا۔

”ہاں، میرے رشتہ دار ہسپتال میں ہیں اور ان کا کہنا ہے کہ یہ وہی ہے،“ انہوں نے مجھے روتے ہوئے بتایا۔ ”میں خود لاش کو دیکھنے کیلئے ہسپتال جارہی ہوں۔“ انہوں نے یہ کہا اور کال منقطع کردی۔

میں نے سوچا کہ اس بات کی تصدیق ہوگئی ہے کہ وہ مر چکے ہیں۔ تو میں نے رپورٹ پر نظر ثانی کرنے کیلئے اپنے برطانوی ساتھی کو بتایا۔

چند گھنٹوں بعد، انہوں نے مجھے فون کیا۔ صرف ایک ہی گھنٹی بجی۔ میں نے انہیں فون کیا۔ ”یہ میرا بھائی نہیں ہے،“ وہ اب بھی رو رہی تھی، لیکن ایک مختلف انداز سے۔

میں نے پوچھا کہ ”تمہیں یقین ہے۔“ میں لندن میں بیٹھے اپنے افسران کو ایک اور غیر مصدقہ رپورٹ نہیں بھیجنا چاہتا تھا۔

”ہاں،“ انہوں نے کہا۔

”کیسے،“ میں جانتا تھا یہ وقت اس طرح کے سوال پوچھنے کا نہیں تھا لیکن ایک ذمہ دار صحافی کے طور پر میری ساکھ داو پر لگی ہوئی تھی۔

”اس لاش کی کھوپڑی بڑی ہے۔ میرا مطلب ہے کہ میرے بھائی کی کھوپڑی بھی بڑی ہے لیکن اس مرے ہوئے شخص کے مقابلے میں تھوڑی چھوٹی ہے،“ انہوں نے وثوق سے کہا۔

میں جانتا تھا کہ مرنے والوں کی شناخت ثابت کرنے کیلئے یہ کوئی ٹھوس ثبوت نہیں تھا چونکہ موت کے بعد مرے ہوئے شخص کے چہرے پر سوجن آجاتی ہے۔ اور لاش پرانی تھی جو سرجانی ٹاون میں پھینکے جانے کے کئی دن بعد ملی تھی۔

”تو آپکے رشتہ داروں نے کیونکر سوچا کہ یہ آپ کے بھائی کی لاش ہے؟“ مجھے لازم پوچھنا تھا کیونکہ میں دوبارہ اپنے ایڈیٹرز کو ایک اور غیر مصدقہ رپورٹ قطعی طور پر نہیں بھیجنا چاہتا تھا۔

وہ بہت خوش تھی، اس بات کو باور کرنے کے بعد کہ یہ ان کے بھائی کی لاش نہیں تھی، تو لہٰذا انہیں میرے چبھتے ہوئے سوالات برے نہیں لگ رہے تھے۔

”کیونکہ اس کی قمیض کی جیب میں سے ایک پرچی ملی ہے جس پر حاجی عبدالرزاق لکھا ہوا ہے۔ اسی لئے وہ الجھن میں پڑگئے تھے۔ وہاں ایک اور حاجی عبد الرزاق مری بھی ہے، جو لاپتہ ہے۔ یہ لاش اسکی ہو سکتی ہے۔“

کتنے حاجی عبد الرزاق لاپتہ ہیں؟ میں نے سوچا۔

چہرہ ناقابل شناخت حد تک مسخ کر دیا گیا تھا۔ لہٰذا لاش کی شناخت کی تصدیق کرنے کا کوئی دوسرا راستہ نہیں تھا ماسوائے جو کچھ رزاق کے خاندان والے کہہ رہے تھے۔

میں نے اپنے برطانوی ساتھی سے معافی مانگی کہ میری گزشتہ اطلاع غلط تھی اور خاندان والے کہہ رہے ہیں کہ یہ لاش ان کے حاجی عبد الرزاق کی نہیں ہے۔ انہوں نے بڑی شائستگی سے جواب دیا کہ ہم اس رپورٹ کو اسی طرح شائع کرنے جارہے ہیں۔

جب میں نے سوچا کہ اب میں اس لاش کی شناخت کے حوالے سے گو مگو کی حالت سے نکل چکا ہوں، مجھے رزاق کی بہن کی طرف سے ایک پیغام موصول ہوا، وہ مجھے فون کرنے کو کہہ رہی تھیں۔

”یہ وہی ہے،“ وہ پھر سے رو رہی تھی۔

وہ میرے ساتھ کوئی کھیل کھیل رہی ہیں؟ لندن میں بیٹھے میرے افسران میری صحافتی مہارت کے بارے میں کیا سوچیں گے؟

”کیا تم نے نہیں کہا تھا کہ اس لاش کی کھوپڑی تمہارے بھائی سے بڑی ہے؟“ میں نے مایوس ہوتے پوچھا۔

”ہاں، لیکن اس کی بیوی نے ان کپڑوں کے ٹکڑوں کی جانچ کی ہے جو اب بھی اس کی لاش پر موجود تھیں۔ یہ وہی کپڑے ہیں جو اس دن اس نے پہنے ہوئے تھے جب اسے اٹھایا گیا تھا۔“

میں چند گھنٹوں تک انتظار کر تا رہا تاکہ وہ ہسپتال سے لاش وصول کرلیں۔ میں کوئی غیر مصدقہ اطلاع بھیجنے والا نہیں تھا۔

انہوں نے لاش وصول کرلی۔ انہوں نے اسے مناسب رسومات کیساتھ دفنا دیا۔ اور ہم نے اپنی رپورٹ تبدیل کرلی۔

لیکن مجھے اب بھی لگتا ہے کہ رزاق کی بہن اور خاندان والے اس شبے کے لمحات سے ضرور گزرے ہونگے کہ جو لاش انہوں نے دفنائی ہے وہ واقعی حاجی عبد الرزاق سربازی کی تھی یا حاجی عبد الرزاق مری کی۔

Here’s the handwritten slip found near journalist Abdul Razzaq’s body with his name on it.

فوج کے لوگ کافی مہربان ہیں کہ وہ پھینکی گئی لاشوں کیساتھ ایک پرچی چھوڑ جاتے ہیں جس پر مقتول کا نام لکھا ہوا ہوتا ہے تاکہ اس کے رشتہ دار اپنے پیاروں کی شناخت بہ آسانی کرلیں اور ان کی تلاش روک لیں۔ یہ احسان کئی سالوں تک بخوبی کام کرتا رہا۔ لیکن اب جبکہ ایک ہی نام کے ایک سے زائد افراد لاپتہ ہیں تو ہمارے مہربان فوجیوں کو چاہیے کہ اب مقتول کے نام سے منسوب ایک تصویر بھی اس پرچی کے ساتھ چھوڑ دیا کریں

”کیا نیشنلزم فاشزم ہے؟“

تحریر : میر محمد علی ٹالپر

ترجمہ : لطیف بلیدی

کراچی میں ’سندھ رائٹرزاینڈ تھنکرز فورم‘ نے حال ہی میں ’نیشنلزم اور انٹرنیشنلزم‘ پر ایک مباحثے کا اہتمام کیا، سندھ میں چھڑی ایک بحث کے بعد جس میں کچھ لوگ فاشزم کا نیشلزم کیساتھ موازنہ کررہے ہیں۔ مجھے دوستوں کی طرف سے مدعو کیا گیا تھا اور میں نے وہاں اپنے خیالات کا اظہار کیا۔ یہ مضمون میری اُس گفتگو پر مبنی ہے۔

Is nationalism fascism?

سندھ میں ایک بحث چھڑی ہوئی ہے جہاں کچھ لوگوں کو لگتا ہے کہ نیشلزم فاشزم کا مترادف ہے اورلبرل ازم حب الوطنی کا۔ اس سے قبل کہ میں آگے بڑھوں، آئیں دیکھتے ہیں کہ فاشزم کیا ہے۔ جب ہم فاشزم کے بارے میں بات کررہے ہوں تو ہمیں یہ جاننے کی ضرورت ہے کہ یہ لفظ کہاں سے آیا ہے۔ یہ لاطینی ”Fasci“ (فاشائے) سے آیا ہے جس کے معنی ہیں ’گٹھا‘ اور ”Fascis“ (فاشِس) یا ”fasces“ (فاشیس) جو اسکا صیغہءجمع ہے جسکے معنی ہیں لکڑی کی چھڑیوں کا ایک گٹھا جسکے اوپر کلہاڑی کا پھل ابھرا ہوا ہے، یہ قدیم رومی سلطنت میں مستعمل تھی، جس سے مراد مختلف لوگوں یا قوموں کی جبری یکجائی ہے جیساکہ طاقت ہمیشہ تعداد میں ہوتی ہے یعنی کہ افراد کی تعداد، اسلحہ اور گولہ بارود اور جنگی جہازوں کے بیڑے کیساتھ فوجی طاقت، سیاسی اور قانونی برادری، ثقیف دانشور، وسائل سے بھرپور کاروباری طبقہ، اور سب سے بڑھ کر بین الاقوامی بینکار جو اس فاشسٹ ہستی کو برقرار رکھنے کیلئے اہم ترین عنصر ہے۔ اگرچہ بہت سے ممالک ایسے ہیں جو باضابطہ طور پر ایسے علامات استعمال نہیں کرتے لیکن ان کا طرز عمل خالصتاً فاشسٹ سطور پر استوار ہے۔ ان میں پاکستان، ایران اور ترکی جیسے ممالک شامل ہیں۔ اگر اسے سادہ لفظوں میں بیان کیا جائے تو اس کی سادہ تعریف کچھ یوں ہے: کسی معاشرے کو اس طرز پر منظم کرنا جس میں حکومت ایک آمر کی سربراہی میں ہو جو لوگوں کی زندگیوں پر مکمل اجارہ داری رکھے اور جس میں عوام کو حکومت کیساتھ اختلاف کرنے کی اجازت نہ ہو یعنی کہ انتہائی سخت تسلط یا عملداری والی حکومت۔

اصل بحث پر کچھ کہنے سے قبل میں چاہتا ہوں کہ ارسطو مزید کچھ چیزوں کی وضاحت کریں۔ جب بات ظالموں (پڑھیں ریاستوں) کی ہوتو ارسطو کہتا ہے کہ وہ ایسے طریقے بروئے کار لاتے ہیں جو انہیں لوگوں پر آسانی سے حکومت کرنے میں مدد دیتے ہیں۔ ”ظالم کے تین مقاصد یہ ہیں: اول، اپنے غلاموں کی توہین، وہ جانتا ہے کہ ایک کم ظرف شخص کسی کیخلاف سازش نہیں کرے گا؛ دوم، ان کے درمیان بد اعتمادی پیدا کرنا؛ ایک ظالم کوتب تک اقتدار سے محروم نہیں کیا جاسکتا جب تک کہ لوگ ایکدوسرے پر اعتماد کرنا شروع نہ کردیں – اور اسی سبب جابر اچھے لوگوں کیخلاف محاذ آراء ہوتے ہیں؛ وہ یہ سمجھتے ہیں کہ ان لوگوں سے انکی طاقت چھننے کا خطرہ ہے، نہ صرف اسلئے کہ اُن پر جابرانہ طرز پر حکومت نہیں کی جاسکتی بلکہ اسلئے کہ وہ ایکدوسرے سے اور دیگر لوگوں سے انتہائی حد تک وفادار ہوتے ہیں، اور ایکدوسرے کیخلاف یا دیگر لوگوں کیخلاف مخبری نہیں کرتے؛ اور سوم، ظالم یہ چاہتا ہے کہ اسکے تمام غلام کسی بھی ممکنہ کارروائی کے قابل نہ ہوں اور کسی ایسے کام کی سعی نہ کرسکیں جوکہ ناممکن ہو اور اگر وہ بے سکت ہوں تو وہ کبھی بھی ظلم کا تختہ الٹنے کی کوشش نہیں کر پائیں گے۔“ -ارسطو (384 قبل مسیح تا 322 قبل مسیح)

لوگوں کو فوج، رینجرز، فرنٹیئر کور، انٹیلی جنس ایجنسیوں اور پولیس کے ہاتھوں جس ذلت کا سامنا ہے وہ مجھے بتانے کی کوئی ضرورت نہیں ہے؛ سب نے اسے براہ راست دیکھا ہوگا اور اس کا نتیجہ اس طاقت کے آگے، جسکا وہ سامنا کررہے ہوتے ہیں، اپنی خودداری اور خود اعتمادی کھونے کی صورت میں نکلتا ہے۔ دوئم، بداعتمادی پیدا کرنا ہے اور ایسا وہ لوگوں کے ذہنوں میں ان خیالات کے بارے میں شکوک و شبہات کی بوائی سے کرتے ہیں جن کیلئے وہ جدوجہد کر رہے ہوتے ہیں؛ مثال کے طور پر ”کیا نیشنلزم فاشزم نہیں ہے۔“ وہ ابہام گوئی اور مغالطہ آمیز حربے بھی استعمال کرتے ہیں، وہ یہاں موجودہ دور کی ناانصافیوں سے توجہ ہٹانے کیلئے ماضی پر زور دیتے ہیں، جیساکہ ٹالپروں کی حکمرانی، جو یہاں پر کچھ لوگوں کیلئے ہدفِ غضب بنا ہوا ہے، تاکہ موجودہ دور کی نا انصافیوں سے توجہ ہٹائی جاسکے۔ جب لوگ منقسم، فریب زدہ اور بدنظمی کی حالت میں ہوں تو انہیں بے اختیار بنانا آسان ہوتا ہے۔ ریاستوں کے ان تینوں مقاصد کی ترویج ہمارے درمیان موجود وہ لوگ کرتے جو ہمارے درمیان نااتفاقی، مایوسی اور انتشار پیدا کرتے ہیں جبکہ بظاہر وہ فلسفیانہ لگتے ہیں۔

اس نئی بحث کا مقصد میرے خیال میں دورُخا ہے۔ پہلا یہ دکھانا ہے کہ آپ ایک ڈیموکریٹ اور لبرل ہیں اور یہ مقبول عام ہوکر ریاست اور بہت سے مختلف غیر سرکاری تنظیموں کی کفالت مہیا کراتا ہے جو یہ سمجھتے ہیں کہ پیسہ بہانے سے وہ عوام کی ثقافتی اقدار اور انکے حالات تبدیل کر سکتے ہیں۔ اس پہلو کو کوئی معاف کرسکتا ہے اور (ارادتاً ابہام گوئی سے) اسکے بارے میں لبرل ہو سکتا ہے۔ اسکا دوسرا پہلو جان لیوا، خطرناک اور مہلک ہے کیونکہ یہ ریاست کی اطاعت گزاری اور غلامی کے اس ایجنڈے سے چشم پوشی کرواتا اور اسے فروغ دیتا ہے جو آپ سے یہ مطالبہ کرتا ہے کہ آپ اسکے آگے اپنے تمام حقوق اور جذبات سے دستبردار ہوجائیں کیونکہ یہ جانتا ہے کہ آپ کیلئے سب سے بہتر کیا ہے اور یہ ان سب چیزوں کو سنبھال سکتا ہے جن پر آپکا انسانی وقار زندہ رہتا، قائم و دائم رہتا اور پنپتا ہے۔ ریاست کا مقصد اور خواہش کبھی بھی آپ کی ضروریات پوری کرنے کا نہیں ہوتا بلکہ مختلف حربوں کے تحت یہ فقط اطاعت گزاری چاہتا ہے اور یہ مخملی دستانے پہنے آہنی ہاتھوں سے کاری ضرب لگاتا ہے۔ وہ لوگ عین یہی کام سرانجام دے رہے ہوتے ہیں جو یہ کہتے ہیں کہ نیشنلزم فاشزم ہے۔ یقینا نیشنلزم کو جابر کو گالیاں دینے کی حد تک محدود نہیں کیا جانا چاہئے لیکن پھر اس کے ساتھ ساتھ لبرل ازم کو جمہوریت اور افہام و تفہیم کے نام پر ریاستی تشدد کی حمایت کرنے کی بھی آزادی نہیں دی جانی چاہئے۔ آپ محض اس بنیاد پر جاکر ریاست کی حمایت نہیں کرسکتے کہ نیشنلسٹ جماعتیں ویسی نہیں ہیں کہ آپ انکے جسطرح سے ہونے کی خواہش رکھتے ہوں۔ شیخ سعدی کہتے ہیں:

”اگر از جہان، ہما شود معدوم

کس نہ رود زیرِ سایہءبوم

اگر دنیا سے معدوم ہما ہوجاوے

تو کوئی زیرِسایہءاُلّو نہ جاوے“

یہ عذر کہ نیشنلسٹ جماعتیں اتنی اچھی نہیں ہیں تو اس سے فاشسٹ ریاست کی حمایت کا بھی کوئی جواز نہیں بنتا۔

ریاست اطاعت گزاری کے فروغ کیلئے مختلف آلات اور طریق کار استعمال کرتی ہے اور عناد پر مبنی اسکے منصوبوں کی تعمیل وہ نام نہاد لبرل دانشور بخوبی کرتے ہیں جو قومی آزادی کی جدوجہد کی مذمت کرتے ہیں اور اسے فاشسٹ کہتے ہیں اور اس طرح سے ہمارے خلاف کیا جانیوالا ریاستی تشدد نہ صرف ضروری بلکہ قانونی اور جائز سمجھا جاتا ہے۔ اگر یہ انکا لبرل ازم ہے تو انکا فاشزم کیسا ہو گا؟ بلوچستان، سندھ اور گلگت بلتستان میں ریاستی تشدد کا ارتکاب بالکل انہی بنیادوں پر کیا جارہا ہے اور وہ لوگ جو اس دلیل کو بڑھاوا اور فروغ دیتے ہیں کہ نیشنلزم فاشزم ہے، وہ عوام کیخلاف ریاستی تشدد میں اسکے معاون اور عوام کیخلاف جرائم کے ارتکاب میں برابر کے شریک ہیں۔

یہ ریاست کبھی بھی لوگوں کیلئے نہیں ہوگی۔ بنگلہ دیش اور وہاں بنگالی نیشنلزم کیخلاف ان کا تشدد نظر انداز کیا جاتا ہے اور اسے بھلا دیا گیا ہے کیونکہ اُسوقت بھی ایسے دانشور تھے جنہوں نے تشدد کا ارتکاب کرنے والوں، یعنی فوج، الشمس اور البدر کی حمایت انہی دلیلوں کے تحت کی تھی کہ نیشنلزم فاشزم ہے۔ کیا بنگالی فاشسٹ تھے جب انہوں نے اپنے قومی حقوق کا مطالبہ کیا تھا یا پاکستانی اسٹابلشمنٹ فاشسٹ تھی؟ میرا خیال ہے کہ اس بات کو سمجھنے میں کسی راکٹ سائنس کی ضرورت نہیں ہے کہ کون کیا تھا۔ کیا بلوچستان اور سندھ میں خودارادیت کے حقوق کا مطالبہ فاشزم ہے؟ میرا ماننا ہے کہ ان کے آزاد ہونے کے حق کا مطالبہ فاشزم نہیں ہے بلکہ قومی خود ارادیت کے حق کو دبانا فاشزم ہے۔

ریاست اور اس کے ارادے اور کردار کے بارے میں میخائل باکونن نے بخوبی اظہار کیا ہے؛ وہ کہتے ہیں کہ ”عوامی زندگی میں … حب الوطنی کے نقطہءنظر سے جب یہ چیزیں ریاست کی عظیم تر شان و شوکت کو بڑھانے اور اس کی طاقت کے تحفظ یا توسیع کیلئے کی جاتی ہیں تو یہ سب کچھ فریضے اور اخلاقی برتری میں بدل جاتے ہیں۔ فقط یہی شے اس بات کو واضح کردیتی ہے کہ قدیم اور جدید ریاستوں کی پوری تاریخ کیونکر محض گھناونے جرائم کا ایک سلسلہ ہے؛ کیونکر تمام ادوار اور تمام ممالک کے ماضی اور حال کے بادشاہوں اور وزیروں، سیاستدانوں، سفارتکاروں، بیوروکریٹس، اور جنگجووں کیساتھ اگر سیدھے سادے ضابطہءاخلاق اور انسانی انصاف کے نقطہءنظر سے انصاف کیا جائے تو وہ ہزار بار سے بھی زائد محنت بامشقت یا پھانسی گھاٹوں کی سزا کے مستحق ہیں۔ وہاں کوئی ایسی دہشتگردی، کوئی ستم گری، بے حرمتی، یا جھوٹی گواہی، کوئی فریبکاری، کوئی بدنام زمانہ خیانت، کوئی حقیر ڈاکہ زنی، کوئی بے باک لوٹ مار یا ذلت آمیز دھوکہ دہی نہ تھی اور نہ ہے جسکا ارتکاب روزانہ ریاستوں کے نمائندوں کی طرف سے نہ کیا جارہا ہو، اور یہ سب کچھ کسی اور عذر کے تحت نہیں بلکہ ان لچکدار الفاظ کے تحت کیے جاتے ہیں جو نہایت موزوں لگتے ہیں مگر پھر بھی انتہائی ہولناک ہیں: یعنی ’ریاست کی خاطر‘۔“ تو کیا نیشنلسٹ فاشسٹ ہیں یا اسٹابلشمنٹ اور اس کے معذرتخواہ؟

آیا ’ریاست کی خاطر‘ جن ہولناکیوں کا ارتکاب اس ریاست نے بنگلا دیش، بلوچستان، سندھ اور خیبر پختونخوا میں کیے ہیں وہ ان لبرل دانشوروں کو اس ریاست کی حقیقی روح کو سمجھنے کیلئے کافی نہیں ہیں کہ وہ ان دلائل کیساتھ میدان میں نہ اتریں جن سے ’ریاست کی خاطر‘ عوام کیخلاف تشدد کو فروغ دینے اور جواز فراہم کرنے میں مدد ملتی ہو۔ آیا وہاں کوئی سوجھ بوجھ نہیں ہے جس سے وہ تاریخ یا موجودہ دور کے منظر نامے کو سمجھنے کے قابل ہوں کہ ترجیح عوام کو حاصل ہونی چاہیے نہ کہ ریاست کو۔ لیکن جب ترجیح مادی مفادات ہوں تو عوام کی فلاح و بہبود اور انکے حقوق کا حق جاکر بیکل جھیل میں کود سکتے ہیں جوکہ دنیا کی سب سے گہری جھیل ہے۔

نیشنلزم جو فلسطینیوں کو مستعد رکھتی ہے، ترکی میں کردوں کی اپنے وطن اور اپنے حقوق کی مانگ کو، اور ان کشمیریوں کی بھی، جنکا نہ تو پاکستان اور نہ ہی بھارت کیساتھ کوئی تعلق ہے، تو کیا انہیں بھی فاشسٹ قرار دیا جائے؟ یا پھر نیشنلزم کے فاشزم ہونے کی دلیل یہاں محض بلوچ اور سندھی عوام کے مطالبات تک محدود ہے؟

قومپرستوں کو اکثر تشدد کیلئے مورد الزام ٹھہرایا جاتا ہے اور ان کی مذمت کی جاتی ہے لیکن جو بات بڑی آسانی سے فراموش کی جاتی ہے وہ یہ ہے کہ ان کا تشدد اس زیادہ بڑے تشدد کا ردعمل ہوتا ہے جسکا ارتکاب مقتدراوں کی طرف سے کیا جاتا ہے۔ انتفادہ ازخود پیدا نہیں ہوتیں۔ نام نہاد لبرلوں کی طرف سے قومپرستوں کی نہ صرف مذمت کی جاتی ہے بلکہ وہ مستعدی سے ریاست کی جانب سے بروئے کار لائے جانیوالے تشدد کا جواز بھی یہ کہہ کر پیش کرتے ہیں کہ اگر آپ پر تشدد ہیں تو جواب بھی پرتشدد ہوگا۔ اگر وہ کبھی ریاستی تشدد کی مذمت کر بھی لیں تو وہ انتہائی ملائم اور بزدلانہ پیرایہ میں ہوتا ہے۔ ریاست کے تشدد کو تو ایک غلاف چڑھی منظوری مل جاتی ہے لیکن شدید نکتہ چینی قومپرستوں کے تشدد کیلئے مخصوص کی جاتی ہے۔ ریاستی تشدد کی حمایت کرنے والے تمام افراد انسانیت کیخلاف جرائم میں شریک ہیں اور ریاست کے ساتھ ساتھ وہ بھی فاشسٹ ہیں اور نہ کہ نیشنلسٹ جو اپنے لئے ایک پروقار اور آزادی کی زندگی کے حق کے متلاشی ہیں۔

بعض اوقات لوگوں کی اپنے قومپرست کاز کیلئے دی گئی بڑی قربانیوں کو لبرلوں کی طرف سے ایک حقارت آمیز و باعث ملامت شے بنایا جاتا ہے اور وہ کہتے ہیں کہ یہ ایک فالتو نقصان ہے۔ کیا ہو چی منھ کی زیر قیادت امریکیوں کیخلاف ویتنامیوں کی دی گئی قربانیاں فالتو تھیں، عمر مختار کی زیر قیادت اٹلی کیخلاف لیبیائی عوام کی دی گئی قربانیاں فالتو تھیں، اسرائیلی قبضے کیخلاف فلسطینیوں کی انتفادہ فالتو تھیں؛ بڑی قربانیوں کے بعد کامیابی حاصل کرنیوالی قومی جدوجہد کی بے شمار مثالیں موجود ہیں؟ فریڈرک نطشے کہتے ہیں کہ، ”اپنے آپ کا مالک بننے کے استحقاق کیلئے کسی بھاری قیمت کی ادائیگی کچھ بھی نہیں۔“ ایک پروقار اور آزاد زندگی کیلئے کوئی بھی قیمت اتنی بڑی نہیں ہے۔ قومی آزادی کی جدوجہد یقینا ”اپنے آپ کا مالک بننے کے استحقاق“ کی جدوجہد ہے۔

قومپرستوں کو اس بات کیلئے بھی تنبیہہ اور نصیحت کی جاتی ہے کہ جو جدوجہد وہ کررہے ہیں اس میں کامیابی کے امکانات بہت کم ہیں۔ ویتنامیوں سے یہی کہا گیا، بنگالیوں کو بھی یہی سبق دیا جاتا رہا اور بلوچ اور سندھیوں کو بھی یہی کہا جا رہا ہے۔ آئی ایف اسٹون (1907 تا 1989) نے اُن لوگوں کے جذبات اور خیالات کا بڑے شاندار انداز میں اظہار کیا ہے جو جدو جہد کرتے ہیں: ”لڑائی کی صرف وہی قسم لڑنے کے قابل ہے جسے آپ ہار جائیں، کیونکہ کسی نہ کسی کو تو یہ لڑنی ہی ہیں اور ہارنی اور ہارنی اور ہارنی ہیں اور یہاں تک کہ کسی دن، کوئی ایک جسے اتنا ہی یقین ہو جتنا کہ آپ کو ہے، جیت جائے۔ کسی کو آج سے ایک سو سال بعد ایک اہم اور بڑی لڑائی جیتنے کیلئے ضروری ہے کہ دیگر بہت سارے لوگ لڑنے کو تیار ہوجائیں، محض اسکا مزہ لینے اور اس سے لطف اندوز ہونے کیلئے آگے بڑھیں اور لڑیں، یہ جانتے ہوئے کہ آپ ہار جائیں گے۔ آپکو ایک شہید کی طرح محسوس نہیں کرنا چاہئے۔ آپکو اس سے لطف اٹھانے چاہیے۔“ یہ ہمیشہ فتح کی امید ہی ہوتی ہے جو لوگوں کو لڑائی جاری رکھنے پر آمادہ کرتی ہے۔

وہ لوگ جو قومپرستی کی مذمت کرتے ہیں، اسلئے کہ وہ اپنی سرزمین اور اپنے وسائل پر اپنے حق کا مطالبہ کرتے ہیں، بھول جاتے ہیں جو کچھ فرانٹز فینن اپنی کتاب ’افتادگانِ خاک‘ میں کہتے ہیں۔ وہ کہتے ہیں، ”ایک زیرنوآبادیت عوام کیلئے سب سے زیادہ محکم اور اہمیت اور اولیت کی حامل شے، سب سے زیادہ مادی و حقیقی ہونے کے سبب، سب سے پہلے زمین ہے: زمین جو کہ انہیں رزق فراہم کرتی اور سب سے بڑھ کر انہیں قدر و منزلت عطاء کرتی ہے۔“ اپنے وطن کے استحصال اور جبر سے آزاد ہوئے بغیر کوئی قوم وقار اور امن کیساتھ نہیں رہ سکتی۔ دوسرا چارہ اطاعت گزاری اور غلامی کا ہے جس کیلئے ایمینوئل کانٹ کہتے ہیں، ”کوئی خود کو ایک کیڑا بنالے تو بعد میں یہ شکایت نہیں کر سکتا اگر لوگ اسے پیروں تلے روند دیں۔“

ایک مطیع اور اطاعت شعار لبرل، جو وفاقیت اور اس کے تحت قوموں کے اتحاد کے نام پر اپنے حقوق کیلئے لڑنے والے لوگوں کیخلاف ریاستی جبر کی حمایت کرتا ہو، کے بجائے میں ایک فاشسٹ ہونے کو ترجیح دیتا ہوں جو عوام کی قومی آزادی کیلئے ایستادہ ہو۔ یہ ہمیشہ فاشزم ہی ہوتی ہے جسے لبرل قومی آزادی کی مخالفت میں مختلف حیلوں بہانوں اور عذر کے تحت اپناتے ہیں اور قومپرستوں کی فاشسٹ کے طور پر مذمت کرتے ہیں۔ اگر خیر بخش مری، مخدوم بلاول، شیر محمد مری، مجید لانگو، علی شیر کرد، حمید بلوچ، سرائے قربان، بالاچ مری، اکبر خان بگٹی اور وہ تمام لوگ، جو بلوچستان اور سندھ کیلئے جیئے اور مرے ہیں، فاشست تھے یا فاشزم کے حامی تھے تو پھر مجھے فخر ہوگا اگر میرا شمار بھی انہی لوگوں میں کیا جائے۔