بریکنگ نیوز: بلوچستان کے زلزلہ زدہ علاقے آواران سے ہجرت کرنے والے چار افراد کو قابض فوج نے حب سے اغوا کرلیا۔
بلوچستان کے زلزلہ زدہ علاقے آواران سے ہجرت کرنے والے چار افراد کو قابض فوج نے آج صبح حب سے اغوا کرلیا۔ تفصیلات کیمطابق پاکستانی قابض فورسز کا بلوچستان کے شہر حب میں مولابخش بلوچ کے گھر پر چھاپہ مار کر چار افراد کو اغوا کرلیا ۔ گھر میں موجود خواتین کو شدید تشدد کا نشانہ بناتے ہوئے سفر،الہی بخش، امین اور بالاچ کو اغوا کرکے ریاستی فورسز نے نامعلوم مقام منتقل کردیا۔ سفر اور بالاچ مولابجش کے بھائی ہیں بالاچ کی عمر محض چودہ سال ہے ۔ یہ افراد بلوچستان کے زلزلہ زدہ علاقے آواران سے نقل مکانی کرکے حب آگئے تھے۔ یاد رہے چند روز قبل آواران کے علاقے لباچ میں ریاستی فورسز نے محمد جان ا ور مولابخش کے گھر پر چھاپہ مار کرپورے علاقے کو کئی گھنٹے تک محاصرے میں رکھا تھا اور کمسن بالاچ کو اغوا کرنے کی کوشش بھی کی تھی مگر گھر میں موجود خواتین نے فورسز کی کوشش کو ناکام بنادیا تھا۔ تب سے اہلخانہ کو فورسز کی طرف سے سنگین دھمکیاں مل رہیں تھیں اور وہ مجبوراَ قدرتی آفت سے رونما ہونے والے تباہ کاریوں او ر قابض فوج کی جارحیت کی وجہ سے تنگ ہوکر حب منتقل ہوگئے تھے۔
Комментариев нет:
Отправить комментарий